Ավտովթար` Վանաձոր-Ստեփանավան ավտոճանապարհին. 20- ամյա վարորդին տեղափոխել են հիվանդանոց (լուսանկարներ)

Այսօր' օգոստոսի 5-ին, ճանապարհատրանսպորտային պատահար է տեղի ունեցել Լոռիի մարզում: Ինչպես դեպքի վայրից NEWS.am-ին հայտնում է Լոռիի թղթակիցը, ժամը 12:30-ի սահմաններում Վանաձոր-Ստեփանավան ավտոճանապարհին' Բազում գյուղի վերջնամասում «Մերսեդես 600» մակնիշի 24 ՕՏ 500 համարանիշով ավտոմեքենան դեպի Ստեփանավան քաղաք ուղևորվելիս դուրս է եկել ճանապարհի երթևեկելի մասից և մոտ 30 մետր բարձրությունից ընկել ձորը: Վթարի հետևանքով Վանաձորի բժշկական կենտրոն է տեղափոխվել վարորդ, Ստեփանավան քաղաքի բնակիչ, 20- ամյա Վոլոդյա Իշխանյանը, ում վիճակը բժիշկները գնահատել են միջին ծանրութան:

Ձորն ընկնելու հետևանքով մեքենայում նկատվել է գազի արտահոսք: Դեպքի վայր է մեկնել մարզային փրկարար վարչության փրկարար ջոկատը' մայոր Սերգեյ Ղարաքեշիշյանի գլխավորությամբ, ինչպես նաև Լոռիի ճանապարհային ոստիկանները' հրամանատար Մատուն Բալայանի գլխավորությամբ: Փրկարարների կողմից դադարեցվել է մեքենայի գազի արտահոսքը:

{gallery}pataharnews{/gallery}

Լուսանկարները՝ Էդվարդ Արզումանյանի