Ադրբեջանի բանակի սպաները վաճառում են զինվորների օրգանները

Մահացած ադրբեջանցի զինվոր Փարվիզ Իսկանդերլիի մայրը՝ Քիֆայաթ Իսկանդերլին, հայտարարել է, որ նրա որդու և ևս 7 զինակիցների օրգանները վաճառվել են արտասահմանում:

PanArmenian.net-ի փոխանցմամբ, Փարվիզ Իսկանդերլիի մահվան պաշտոնական վարկածն անվանվել է «ինքնասպանություն», միայն զինվորի մայրն է պնդում, որ զորամասի չորս սպաներ նրան սպանել են՝ ծեծելով, կոտրելով ձեռքը, ոտքը և պարանոցը, որից հետո նրան կախել են ծառից: Նրա խոսքով, երբ Փարվիզի դին հանձնվել է հարազատներին, նրանց ասել են, որ նա մահացել է 4 ժամ առաջ, բայց մարմնից արդեն նեխահոտ է եկել: Մոր խոսքով, մարմի վրա երևացել են ծեծի հետքեր, ավելին՝ Փարվիզ Իսկանդերլիի օրգանները հեռացված են եղել:

Քիֆայատ Իսկանդերլիի խոսքով, ինքը պարզել է, որ մեկ ամսվա ընթացքում կասկածելի հանգամանքներում մահացել է 8 զինվոր, ովքեր զինվորական ծառայություն են անցել այդ զորամասում, երբ դրա հրամանատարն է եղել ոմն Գասիմլի: Նրանց օրգանները նույնպես վաճառվել են արտասահմանում: