«Ժառանգությունը» Գյումրու քաղաքապետի ընտրություններում հնարավոր է ունենա առանձին թեկնածու

Սեպտեմբերի 9-ին կայանալիք Գյումրու քաղաքապետի ընտրություններում «Ժառանգություն» կուսակցությունը չի բացառում առանձին թեկնածուով հանդես գալու տեսակետը:

Lurer.com-ի հետ զրույցում «Ժառանգություն» կուսակցության վարչության փոխնախագահ Արմեն Մարտիրոսյանը նշեց,- «Առաջադրելու կամ չառաջադրելու մասին որոշում այս պահին չկա, եթե մեր կուսակցական ընկերներից որևէ մեկը ցանկություն հայտնի առաջադրվել, կուսակցությունը անպայման կաջակցի նրան։ «Ժառանգությունը» իր բոլոր  ռեսուրսները կներդնի մեր կողմից առաջադրված թեկնածուի ընտրապայքարի համար։ Չեմ բացառում, որ մենք դեռևս ունենանք քաղաքապետի թեկնածու»։

Իսկ այն հարցին, թե թեկնածու չունենալու դեպքում «Ժառանգությունը» կսատարի որևէ այլ կուսակցության թեկնածուի, Արմեն Մարտիրոսյանը նշեց, որ թեկնածու չունենալու դեպքում կքննարկեն և որոշում կկայացնեն։

«Այս պահին էլ չեմ բացառում, որ հնարավոր է թեկնածու ունենանք»,- ամփոփեց փոխնախագահը։