Այսօր լրանում է Օլանդի պաշտոնավարման 100-րդ օրը

Այսօր լրանում է Ֆրանսիայի նախագահ Ֆրանսուա Oլանդի պաշտոնավարման հարյուրերորդ օրը։ Վերլուծաբանների համար սա հետևությունների և մտորումների լավ առիթ է։ Եվ այսպես՝ նշվում է, որ Ֆրանսիայի նոր նախագահը լավ է տրամադրում իր հանդեպ զրուցակիցներին: Նա ուշադիր լսում է, կատարում է գրառումներ և չի ամաչում խնդրել իր հյուրերին պարզաբանել այս կամ այն միտքը։ «Ես տպավորված եմ նրա աշխատանքային մեթոդով։ Ամեն բան նման է ձեռնարկության աշխատանքին. ղեկավարը գալիս է խորհրդկցության, ձևակերպում է խնդիրը, հնարավորություն է ընձեռում աշխատակիցներին արտահայտվելու, իսկ հետո սինթեզում է իր խոսքը։ Այս ոճը նման չէ նախորդ նախագահին, որը միշտ ձգտում էր համոզել ձեզ ինչ-որ հարցում՝ միևնույն ժամանակ թույլ չտալով մի բառ անգամ ավելացնել», - եվրոպացի արդյունաբերողներից մեկի խոսքն է մեջբերում ИТАР-ТАСС-ը։

Իսկ աշխատանքի վայր նախագահը ժամանում է մեքենայով, ոչ թե սքութերով, ինչպես անում էր պատգամավոր եղած ժամանակ։ Սակայն Օլանդի բնակության հասցեն նույնն է՝ քաղաք Փարիզ, 15-րդ թաղամաս, Քոշի փողոց, տուն 8: «Ելիսեյան պալատը աշխատանքի վայր է, ես այնտեղ չեմ ապրում»,- ասել է Օլանդը։