Մահացել է Cosmopolitan-ի ամենահայտնի գլխավոր խմբագիրը

Նյու Յորքում 90 տարեկան հասակում մահացել է Cosmopolitan-ի ամենահայտնի գլխավոր խմբագիր, 30 տարի ամսագիրը գլխավորող Հելեն Բրաունը։ Այս մասին ասվում է Hearst Corporation հրատարակության պրես-ռելիզում։

Հելեն Բրաունը հայտնի է դարձել 1962 թվականին հրատարակած «Սեքսն ու չամուսնացած աղջիկը» գրքից հետո։ Գիրքը դարձել է բեսթսելեր ու 1964 թվականին նրա հիման վրա նկարահանել է կոմեդիա։ 1965 թվականին Hearst Corporation հրատարակությունը Հելենին առաջարկել է ղեկավարել ընտանեկան բիզնես դարձած ու ժամանակակից գրողների ստեղծագործությունները տպագրող Cosmopolitan ամսագիրը։ Հելենի ղեկավարության ժամանակ Cosmopolitan-ը դարձել է ամսագիր կանանց համար, որի գլխավոր շապիկին սկսել են հայտնվել մոդելներ ու դերասանուհիներ։ 1997 թվականին Հելենը հեռացել է Cosmopolitan-ից, բայց շարունակել է ղեկավարել ամսագրի միջազգային 63 տարբերակները մինչև կյանքի վերջ։