Բեյրութը բացահայտել է սիրիական դավադրությունը

Լիբանանցիները մեղադրում են հարևաններին երկրում իրավիճակի ապակայունացման փորձի մեջ։ Լիբանանյան իշխանությունների հետաքննությունը հանգեցրել է  մի քանի սիրիացի բարձրաստիճան պաշտոնյայի մեղադրանքի և մտավախությունների առ այն, որ Դամասկոսը փորձում է արտահանել քաղաքացիական պատերազմը արտասահման՝  Լիբանան:

Դավադրության մեջ մեղադրանքները առաջադրված են երկու սիրիացու դեմ, այդ թվում նաև՝ գեներալ Ալի Մամլուքի։ Մեղադրանքը սենսացիոն բնույթ է կրում, որովհետև սրանից առաջ Բեյրութը երբեք թույլ չի տվել իրեն նման համարձակություն՝ ավելի հզոր հարևանի նկատմամբ։

Ենթադրյալ դավադրությանը մասնակցել է նաև լիբանանյան նախկին նախարարը։ Եթե լիբանանյան իշխանությունների մտավախությունները հաստատվեն, դա չափազանց ուժեղ հարված կլինի Լիբանանում Սիրիայի կառավարության մի շարք դաշնակիցների նկատմամբ, այդ թվում նաև Հեզբոլլահի։

Լիբանանի զինվորական դատախազությունը մեղադրում է լիբանանցի քաղաքական գործիչ Միշել Սամահային, սիրիացի գնդապետ Ալի Ադնանին և Մամլուքին «զինված բանդայի» ստեղծման մեջ։ Այս բանդան, հաղորդում է Scotsman-ը, ծրագրել էր մի շարք հարձակումներ՝ Սիրիայում պատրաստված պայթուցիկ սարքերի օգնությամբ Լիբանանում աղանդավորական անկարգություններ  հրահրելու նպատակով։