Միշա Քալանթարյանն ինքնասպան չի՞ եղել

Lurer.com-ը Հայրապետյան եղբայրների մտերիմ շրջապատից տեղեկացել է, որ գործարար Միշա Քալանթարյանն իրականում ինքնասպան չի եղել: Նույն աղբյուրի պնդմամբ՝ ատրճանակն անզգուշությամբ օգտագործելիս կրակել է ինքն իր վրա:

Հիշեցնենք, որ օգոստոսի 17-ին Ազատամարտիկների 183 (Նախկին Դիմիտրով) հասցեում հրազենային վնասվածքից մահացել էր գործարար Միշա Քալանթարյանը (Հայրապետյան):

Նշենք, որ Միշա Քալանթարյանի ընտանիքին են պատկանում «Ararat Hall»-ը, «Nokia» խանութների ցանցը, Երևանի Գաջի գործարանը, «Հայաստան» հանրախանութը, Աէրացիա թաղամասում գտնվող ձիարշավարանը և BMW-ի պաշտոնական ներկայացուցչությունը:

Այդուհանդերձ, հարուցվել է քրեական գործ, Քրօր-ի 110 հոդվածի 1-ին մասի հատկանիշներով (1. Սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը) և 235 հոդվածի 1-ին մասի հատկանիշներով (1. Ապօրինի կերպով հրազեն, բացի ողորկափող հրազենից եւ դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը):

Հայրապետյանների մտերիմները հատկապես կասկածի տակ են առնում մեղադրանքներից առաջինը` մասնավոր զրույցներում բացառելով նշված հանգամանքների առկայությունը: