Մանվել Գրիգորյան. Մենք պետք է միշտ լինենք միասին և մարտունակ (տեսանյութ)

Հադրութ վարչական շրջանի Տողաձորի ջրաշխարհի տարածքում տեղի է ունեցել Արցախ ավանդական ուխտագնացության մայր միջոցառումը։ 

Միջոցառմանը մասնակցել են ԼՂՀ նախագահ Բակո Սահակյանը, ԵԿՄ վարչության նախագահ, գեներալ լեյտենանտ Մանվել Գրիգորյանը, Հադրութի գյուղերի պաշտպանության և ազատագրման համար պայքարող 5-րդ մոտոհրաձգային բրիգադի մարտիկները, ովքեր հրաժեշտից առաջ պարեցին ուխտավորների հետ և դիտեցին հրավառությունը։

Միջոցառման ընթացքում ԵԿՄ վարչության նախագահ, գեներալ լեյտենանտ Մանվել Գրիգորյանը իր խոսքում նշեց. «Պատերազմները ոչ ոքին օգուտ, հաջողություն կամ լավ բանի չեն հանգեցնում: Ընդհանրապես պատերազմը շատ վատ բան է, բայց մեր տարածաշրջանը մեզ թույլ չի տալիս միշտ մարտունակ և միասնական չլինել: Ես ինչքան ինձ եմ հավատում, այնքան էլ նրանց, ովքեր ոչ միայն ձեռք են բերել, այլ՝ ձեռք բերածին էլ իրենց պատրաստակամությունը, իրենց հնարավորությունը , իրենց ջանքերն են ներդնում, որպեսզի կարողանան ևս մեկ քայլ մեր երկիրը, պետությունը, անկախությունը տանել առաջ: Մենք Ձեզ հավատում ենք, մենք Ձեզ հետ ենք, և ամեն ինչ անելու ենք, որ դուք  ձեր ծրագրերը կարողանաք իրականացնել»:

ԼՂՀ նախագահ Բակո Սահակյանը ողջունելով միջոցառման մասնակիցներին ասաց.- «Ես տեսնում եմ, որ երկրապահը հավատարիմ է այն գաղափարներին, որոնցով նա սկսել է իր ճանապարհը։ Մենք 23 տարի առաջ մի նպատակ ենք հետապնդել՝ ամեն ինչ անել մեր մայր հայրենքի ողբերգությունը մեղմելու համար։ Բարեբախատաբար մեր բոլորի քաջության խիզախության, համարձակության, զոհաբերության և Աստծո օգնությամբ կատարել ենք այդ առաջադրանքը։ Այսօր,թեկուզ նաև այս ավանդական միջոցառումներով, մենք փառաբանում ենք առաջին հերթին Մայր Հայաստանին, մեղմում ենք նրա ողբերգությունները։ Մեկ անգամ ևս երդվում ենք, որ մենք նրա զավակներն ենք և միշտ բարձր կպահենք մեր հայրենիքի պատիվը»։