30%- ով նվազել են Ֆրանսիայի նախագահի ու նախարարների աշխատավարձերը

Ֆրանսիայի նախագահ Ֆրանսուա Օլլանդի և վարչապետ Ժան Մարկ Էյրոյի աշխատավարձերը նվազեցրել են 30%-ով՝ հասցնելով մինչև 14 910 եվրոյի։ Հանրապետության նախագահի, վարչապետի ու կառավարության անդամների աշխատավարձերը նվազեցնելու որոշումը ընդունվել է Ֆրանսուա Օլլանդի ղեկավարության ժամանակ՝ մայիսի 17-ին անցկացրած նախարաների խորհուրդին։

Նախարարների աշխատակազմի անդամները և իրենց ղեկավարները ստանալու են 30%-ով ավելի ցածր աշխատավարձ։ Իշխանությունները նման որոշում են ընդունել, որով հնարավոր կլինի կրճատել ծախսերը և օգնել հասարակության տարբեր շերտերին, հատկապես չքավոր քաղաքացիներին։

Որոշումը օրենքի ուժ է ստացել 2012 թվականի մայիսի 15-ին։ Բանն այն է, որ օրենսդրական ակտը օգոստոսի սկզբին ստուգում է անցել Սահմանադրական խորհուրդում, որի անդամները միայն հիմա են հաստատել փաստաթուղթը, հայտնում է ИТАР-ТАСС-ը։

Հիշեցնենք, որ Ֆրանսիայի նախագահն ու վարչապետը իրավունք ունեն անվճար օգտվել Ֆրանիասյի տարածքում գործող հանրային տանսպորտից։ Նրանց տրամադրության տակ է նաև մեքենայով անձնական վարորդն ու պետական ավիապարկը։