Այսօր Վոլֆգանգ Գյոթեի ծննդյան օրն է

1749 թ-ի այս օրը ծնվել է գերմանացի պոետ, պետական գործիչ, քնարերգու Վոլֆգանագ Գյոթեն: Պոետը ծնվել է Մայնի Ֆրանկֆուրտում: Վաղ տարիքից սովորել է կարդալ, յոթ տարեկանում արդեն գիտեր լատիներեն և հունարեն:

1765 թվականին տասնվեցամյա Գյոթեն մտնում է Լայպցիգի համալսարան, որտեղ նա հոր ցանկությամբ և հակառակ իր նախընտրության' ուսումնասիրում է իրավաբանություն։, չնայած իր հետաքրքրությունների շրջանակում էր գրականությունը և արվեստը։ 1769թ.-ին լույս է տեսնում Գյոթեի բանաստեղծությունների առաջին գիրքը: 1771թ.-ին Գյոթեն ավարտում է համալսարանը և ստանում իրավունքի դոկտորի կոչում:

Գյոթեի ստեղծագործության գագաթը «Ֆաուստ» ողբերգությունն է, որի առաջին մասը հրատարակվել է 1806-ին, իսկ երկրորդ մասը ավարտել է մահից մի քանի ամիս առաջ (1831-ի օգոստոսին): «Իմ հետագա կյանքը,- «Ֆաուստը» ավարտելուց հետո գրում է Գյոթեն,- ես կարող եմ այսուհետև ընդունել որպես պարգև միայն և, ըստ էության, ինձ համար բոլորովին միևնույն է, թե ինչ եմ անելու և որևէ բան անելո՞ւ եմ արդյոք, թե՞ ոչ»:

Հայերը մեծագույն հետաքրքրություն են ցուցաբերել Գյոթեի գրական ժառանգության, մասնավորապես «Ֆաուստ» ստեղծագործության նկատմամբ, այն հայերեն է թարգմանվել մոտ տասը անգամ: Դա համաշխարհային գրականության պատմության բացառիկ երևույթներից է:

Ըստ ոչ լրիվ հաշվումների 1912 թվականին Գյոթեի մասին 20 հազար աշխատություն է գրվել: