Իրաքում մի օրում մահապատժի են ենթարկել 21 հոգու

Իրաքի իշխանությունները մի օրում մահապատժի են ենթարկել 21 մարդու, ներառյալ՝ 3 կնոջ։ Ինչպես հայտնում է Agence France-Presse-ը, բոլոր 21-ին մեղավոր են ճանաչել ահաբեկչության մեջ։

Պաշտոնական Բաղդադը մահապատժի հրաման է արձակել, չնայած ՄԱԿ-ի բողոքների, որի անդամ երկները վաղուց են պահանջում Իրաքում դադարեցնել մահապատժի կիրառումը։ Բացի դրանից, միջազգային փորձագետները մեծ ուշադրություն են դարձնում իրաքյան դատական համակարգի կոռումպացվածությանն ու ոչ թափանցկությանը։

Հիշեցնենք, որ ամերիկյան զորքի՝ Իրաքից հեռանալուց հետո մասսայական մահապատիժները սովորական երևույթ են դարձել։ Հունվարին Իրաքում կրակել ու կախաղան են հանել 17, փետրվարին՝ 14 մարդու, այսինքն՝ ընդհանուր առմամբ ընթացիկ տարում մահապատժի ենթարկածների թիվը անցել է 90-ը։

Երկրի իշխանությունները բացատրում են, որ նման վարքագիծը ուղղված է ահաբեկչության դեմ պայքարելուն, սակայն ահաբեկչական գործողությունները դրանից չեն պակասում։