Այսօր Ինգրիդ Բերգմանի ծննդյան օրն է

1915 թվականի այս օրը ծնվել է  շվեդ հայտնի դերասանուհի Ինգրիդ Բերգմանը։ Դերասանուհին խաղացել է ամերիկյան և եվրոպական ֆիլմերում, Օսկարի եռակի և Ոսկե Գլոբուսի քառակի դափնեկիր է։ Ամերիկյան կինոակադեմիայի կողմից հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում 4-րդ տեղում է:

Ընդհանուր թվով խաղացել է 50-ից ավելի ֆիլմերում, 3 անգամ ստացել է Օսկար, որոնցից 2-ը՝ լավագույն դերասանուհի անվանակարգում։

Խաղացել է «Ինտերմեցցիո», «Կասաբլանկա», «Դոկտոր Ջեքիլը և Միստր Հայդը», «Ու՞մ մահն է գուժում զանգը», «Գազային լույս», «Կախարդվածը», «Վատ համբավ», «Ժաննա դ'Արկ», «Անաստասիա», «Սպանություն արևելյան ճեպընթացում», «Աշնանային սոնատ» և այլ ֆիլմերում։

Կյանքի վերջին տարիներն Ինգրիդն անցկացրեց ծանր հիվանդությամբ տառապելով. նա կրծքի քաղցկեղ ուներ: Վերջին ուժերով նա մի քանի ներկայացումներում է  հանդես եկել և նկարահանվել է «Գոլդա անունով կինը» ֆիլմում: Ինգրիդ Բերգմանը մահացել է իր 67- ամյակի օրը: