Օգոստոսի 29-ը՝ միջուկային փորձարկումների դեմ գործողությունների միջազգային օր

Այսօր միջուկային փորձարկումների դեմ գործողությունների միջազգային օրն է։ Աստանայում այս առիթով կանցկացվի միջազգային կոնֆերանս՝ «միջազգային փորձարկումների արգելքից մինչև մի աշխարհ, որը զերծ է միջուկային զենքից» թեմայով։

ՄԱԿ-ի պաշտոնական կայքի համաձայն՝ մոտ 2000 միջուկային զենքի փորձարկումները սկսվել են 20-րդ դարի կեսերին, առաջինը՝ 1945թ-ին։ Առաջ միջուկային զենք ունենալը գիտական իմաստաբանության կամ ռազմական ուժի չափման միավոր էր։ Պատմությունը ցույց է տվել միջուկային զենքի փորձարկումների սարսափեցնող և ողբերգական հետևանքները, հատկապես երբ դրանք վերահսկողությունից դուրս են գալիս։

Հետագա պատահարները անհրաժեշտ են դարձրել միջուկային փորձարկումների դեմ գործողությունների միջազգային օրվա պահպանումը, որպես մի օր, երբ կրթական միջոցառումները, օրվա դեպքերը և հաղորդագրությունները նպատակ ունեն գրավելու աշխարհի ուշադրությունը և ընդգծելու  միջուկային զենքի փորձարկումները կանխելու միացյալ փորձի անհրաժեշտությունը։

2009թ. դեկտեմբերի 2-ին ՄԱԿ-ի Գլխավոր Ասամբլեայի 64-րդ նստաշրջանը, միաձայն ընդունելով 64/35 բանաձևը, օգոստոսի 29-ը հայտարարեց միջուկային փորձարկումների դեմ գործողությունների միջազգային օր։ Այն կոչ է անում բարձրացնել «միջուկային զենքի փորձարկումների կամ այլ միջուկային պայթյունների հետևանքների մասին իրազեկությունը ու դրանց դադարեցման անհրաժեշտությունը՝  հասնելու միջուկային զենքից զերծ աշխարհ ունենալու նպատակին»։ Բանաձևի նախաձեռնությունը մեծ թվով հովանավորների հետ պատկանում է Ղազախստանի Հանրապետությանը և նպատակ ունի հիշատակել օգոստոսի 29-ին Սեմիպալատինսկ միջուկային փորձարկման վայրի փակումը ։