Աֆղանական զինծառայողը սպանել է ՆԱՏՕ-ի ներկայացուցիչներին

Աֆղանստանում տեղական բանակի զինծառայողի հագուստով մեկը սպանել է ՆԱՏՕ-ի 3 զինծառայողի, հայտնում է BBC Russian-ը։

Կոալիցիայի ներկայացուցիչները հայտարարել են, որ պատահարը տեղի է ունեցել Աֆղանստանի հարավում։ Ինչպես հայտնում է ամերիկյան կողմը, հարձակվողը ծառայել է Աֆղանստանի անվտանգության համակարգում։

Թալիբներն այդ ընթացքում իրենց կողմակիցներին ակտիվորեն հավաքագրում են աֆղանական անվտանգության ուժերում։

«Թալիբան» շարժման ներկայացուցիչների խոսքով՝ նմանատիպ հարձակումները ՆԱՏՕ-ի դեմ պայքարելու ստրատեգիայի գլխավոր մասն է։

Նշենք, որ այս տարվա ընթացքում աֆղանական ուժերի կողմից սպանվել է ՆԱՏՕ-ի 45 զինծառայող։ Սպնավածների մեծ մասը ծառայել են ամերիկյան բանակում։

ՄԱԿ-ի տվյալներով՝ վերջին 8 տարիների համեմատությամբ այս տարի առաջին անգամ Աֆղանստանի խաղաղ բնակչության շրջանում զոհերի թիվը նվազել է։