Նոր թայֆուն է մոտենում Հարավային Կորեայի ափերին

Բոլավեն թայֆունից ընդամենը մի քանի օր հետո՝ հինգշաթի օրը Հարավային Կորեայի արևմտյան ափեր է հասնելու Տեմբին թայֆունը, հայտնում է երկրի օդերևութաբանական կայանը։ Սպասվում է, որ թայֆունը կարող է անցնել Սեուլից 40 կմ հեռու, հայտնում է INTERFAX.RU-ն։ Քամու արագությունը հնարավոր է հասնի 112 կմ/ժ-ի։

Օդերևութաբանների կանխատեսումների համաձայն՝ թայֆունը Չեջուդո կղզի կբերի 150 մմ տեղումներ, իսկ երկրի մնացած շրջաններում՝ մոտ 100 մմ.։ Կղզու օդանավակայանից հանվել են բոլոր չվերթերը, դպրոցներում դադարեցվել են դասերը, դադարցվել են նաև նավագնացությունները։ Նշենք նաև, որ դադարեցրել են նախորդ թայֆունի ժամանակ ուժեղ քամու և բարձր ալիքի հետևանքով անհետ կորած 7 ձկնորսների որոնողական աշխատանքները։