Այրվեց Հունգարիայի դրոշը

Այսօր ՀՀ Արտաքին գործերի նախարարության դիմաց տեղի ունեցավ բողոքի ակցիա, որտեղ ներկայացվեց պահանջագիր Արտաքին գերատեսչության ղեկավարին։ Այնուհետեւ ակցիայի մասնակիցները երթով շարժվեցին Հունգարիայի հյուպատոսարան, որտեղ ձվերով հարվածեցին հյուպատոսարանի դռներին, այրեցին Հունգարիայի դրոշը և մանրադրամներ նետեցին մոխրի վրա ի նշան վաճառված պետության։

Հիշեցնենք, որ 2004թ. փետրվարի 19-ին Հայաստանի Զինված ուժերի սպա Գուրգեն Մարգարյանը, ով գործուղման էր ուղարկվել Բուդապեշտ ՆԱՏՕ-ի «Գործընկերություն հանուն խաղաղության» ծրագրով անգլերենի դասընթաց անցնելու, քնած ժամանակ դաժանաբար սպանվել էր Ռամիլ Սաֆարովի կողմից: Ադրբեջանցին հրոսակը հայ սպային սպանել էր կացնով:

Սաֆարովին մեղադրանք էր առաջադրվել Հունգարիայի Քր.օր.-ի 166.2 (Սպանություն ծանրացուցիչ հանգամանքներում) հոդվածով: Սաֆարովը 2006թ. ապրիլի 13-ին ցմահ ազատազրկման էր դատապարտվել՝ առանց 30 տարի ներման իրավունք: Հունգարիայի Վերաքննիչ դատարանը 2007թ. փետրվարի 22-ին անփոփոխ էր թողել դատավճիռը:

Սակայն արդեն Հունգարիան ադրբեջանցի սպա Ռամիլ Սաֆարովին արտահանձնել է Ադրբեջան. Իլհամ Ալիևն էլ իր հերթին ներում է շնորհել մարդասպանին: