ԱՄՆ կոնգրեսականները զայրացած են Ադրբեջանի նախագահի վրա

Կոնգրեսի անդամները սկսել են արտաահայտել իրենց անհանգստությունը Հունգարիայի և Ադրբեջանի որոշումների վերաբերյալ' ազատ արձակելու Սաֆարովին, մասնավորապես, ինչպես տեղեկանում ենք armenianweekly.com-ից, ԱՄՆ Կոնգրեսի Հայաստանին աջակցության խմբի համանախագահ Ֆրենկ Փալոնեն (Նյու Ջերսի) հայտատարարել է.

«Ես զայրացած եմ, Ադրբեջանի կառավարության կողմից իրականացրած անխոհեմ քայլերից' ազատելու Ռամիլ Սաֆարովին' ադրբեջանցի զինվոր, ով դաժանորեն սպանել է չզինված հայ զինվորի ՆԱՏՕ-ի հովանու տակ անցկացվող ուսումնական ծրագրի ընթացքում: Խիստ արտասովոր է, որ Ադրբեջանի նախագահը հրամանագիր է ստորագրել' ներում շնորհելու դատապարտված մարդասպանին և ազատ է արձակել նրան չնայած նրա դատապարտվածությանը: Սրանք կառավարության այն քայլերը չեն, որ նվիրված են արդարությանն ու խաղաղությանը: Դժբախտաբար Ադրբեջանի ձեռնարկած քայլերը միայն ավելի են հաստատում նրանց ցանկությունը' հեշտացնել և թողություն տալ բռնությունը Հայաստանի և հայ ժողովրդի դեմ»:

ԱՄՆ Ներկայացուցիչների Պալատի արտաքին հարաբերությունների հանձնաժողովի ավագ անդամ Բրեդ Շերմանը (Կալիֆորնիա) նշել է. «Ես խորապես վհատված եմ Հունգարիայի կարավարության որոշման հետ կապված' ազատ արձակել ազերի սպայի, ով դատապարտվել է ցմահ բանտարկության' 2004թ Բուդապեշտում հայ սպային սառնասրտորեն սպանելու համար...Ես կանգնած եմ մեր ընկեր ու դաշնակից Հայաստանի կողքին' իր քաղաքացիների համար խաղաղության և անվտանգության շարունակ որոնումների ընթացքում: Ես կոչ եմ անում ադրբեջանական կառավարությանը բերել այս անձին արդարադատության դատապարտված հանցագործին ազատ արձակելու փոխարեն»: