Տաքսու վարորդների «леви» եկամուտը. հարցախույզ (տեսանյութ)

Քիչ քաղաքացիներ կգտնվեն, ովքեր իրենց առօրյայում չեն առնչվի այնպիսի խնդրին, ինչպիսին ներկայիս տաքսիների բարձիթողի վիճակն է: Այսօր քաղաքացիների շրջանում Lurer.com-ը հարցում իրականացրեց՝ պարզելու հասարակական կարծիքը և տեսակետները երևանյան տաքսիների վերաբերյալ: Քաղաքացիներին տրվել է 2 հարց.

1. Արդյոք նկատե՞լ են, որ հաշվիչը 4-րդ կիլոմետրից հետո փոխում է նվազագույն արժեքը,
2.Ի՞նչ միջոցներ են ձեռնարկում այդ ուղղությամբ. բողոքո՞ւմ են, թե՞ պարզապես վճարում սահմանված գումարը։

Ի զարմանս մեզ՝ հասարակության մեջ հանդիպեցինք անհատների, ովքեր ծանոթ չէին այս խնդրին, բայց քիչ չէին նաև նրանք, ովքեր միանշանակ հաստատեցին ասվածը:

Հարցումներ իրականացնելիս ականատես եղանք նաև այլ խախտումների. վարորդներից շատերը չունեին հաշվիչ-սարքավորում, կամ դրանք չէին զրոյացնում, շատերը առհասարակ չէին թույլատրում նկարահանել հաշվիչը: Կարծում ենք՝ պարզ է դառնում, թե ինչու էին խուսափում նկարահանումից:

Ոլորտի հարգելի պատասխանատունե'ր, Ձեր ուշադրությունն ենք հրավիրում, ժողովրդի լեզվով ասած, թալանչիության անհերքելի փաստին և ակնկալում խնդրի անկողմնակալ լուծում: Հուսով ենք՝ կգա մի օր, որ մենք էլ կունենանք քաղաքակիրթ սպասարկում:

Պատրաստեցին` Նելլի Ավետիսյանը 

                        Սևակ Մամյանը