Գլխավո՛ր դատախազ, վերջին անգամ ենք զգուշացնում՝ հեռու մնացե՛ք Արթիկից. բաց նամակ

Հարգելի' Աղվան Հովսեփյան, չնայած որ ի պաշտոնե իրավունք չունեք զբաղվել քաղաքականությամբ և պետք է լինեք օրինականության երաշխավորներից մեկը, այնուամենայնիվ Արթիկում և հարակից գյուղերում Ձեր կողմից ծավալվող հակաօրինական գործողությունները շարունակվում են: Ինչպես անցած խորհրդարանական ընտրությունների ժամանակ, այնպես էլ հիմա Դուք ամեն լծակ օգտագործում եք, որպեսզի անկախ արթիկցիների կարծիքն հաշվի առնելու, ընտրություններում հաղթանակ ապահովեք Ձեր հետ բիզնես հետաքրքրություններ ունեցող Վարագյանների ընտանիքի ներկայացուցիչների համար, ինչը Ձեզ պատիվ չի բերում:

Մասնավորապես պատիվ չի բերում նաև այն, որ Ձեր ցուցումով երեկ գիշերով Արթիկ էր այցելել մարզային դատախազ Դավիթ Սարգսյանը և փողոցայինի մակարդակով ընկել էլ թաղերը և մարդկանց ու երիտասարդներին էր ահաբեկում' ստիպելով ընտրել Արթիկի գործող քաղաքապետ Խաչատուր Վարագյանին: Պարոն գլխավոր դատախազ վերջին անգամ ենք զգուշացնում' հեռու մնացեք Արթիկից և առհասարակ հակաօրինական քայլերից:

Մի խումբ արթիկցիներ