Ահազանգ ընտրատեղամասերից

Այսօր առավոտվանից Գյումրու քաղաքացիները ահազանգներ են հնչեցնում անձնագրերում դրոշմակնիքների համար նախատեսված թանաքների՝ օրենքով սահմանված ժամկետից շուտ, իսկ ավելի ստույգ՝ մի քանի րոպեի ընթացքում անհետանալու մասին։  Քիչ առաջ Lurer.com-ի լրագրողը հայտնեց, որ թերությունը վերացված է։ 

Նաև հայտնեց, որ Գյումրի 34/65 և 34/63  ընտրատեղամասերի մոտ որոշ երիտասարդներ կանգնեցնում են քաղաքացիներին և հարցնում թե ո՞ւմ են ընտրելու,  ուղեկցում և համոզում, որ իրենց թեկնածուի օգտին քվեարկեն։

Հիշեցնենք, որ այսօր ինչպես Գյումրիում այնպես էլ  Հանրապետության մոտ 500 համայնքներում քաղաքապետի և ավագանու ընտրություններ են:
Գյումրիում համայնքի ղեկավարի թեկնածուները չորսն են ՝ ԲՀԿ-ից առաջադրված Սամվել Բալասանյանը, անկուսակցականներ Անդրանիկ Ավետիսյանը, Սպարտակ Պետրոսյանը և ՀՅԴ-ական ինքնաառաջադրված Հովսեփ Սիմոնյանը: