Ի՞նչն է գերում ժամանակակից տղամարդուն կնոջ մեջ

Ժամանակակից տղամարդկանց ավելի շատ գերում է կնոջ ինետելեկտը, քան կազմվածքը կամ էլ համեղ պատրաստելու շնորհքը:
Այս եզրահանգմանն են եկել Բրիտանիայի Յորքի համալսարանի հոգեբանները: Եվ հակառակ դրան՝ տղամարդիկ պետք է ուշադրություն դարձնեն իրենց արտաքինին: Նրանք կարծում են, որ թույլ սեռի ներկայացուցիչները 21-րդ դարում ավելի շատ ուշադրություն դարձնում են իրենց ընտրյալի արտաքինին, քան կարողությանը:

Բրիտանացի գիտնականների հետազոտությանը մասնակցել են 12.000 տարբեր սեռերի ներկայացուցիչներ ավելի քան 30 երկրներից: Վերլուծության արդյունքում նրանք պարզեցին, որ արևմուտքում, որտեղ գնում է պայքար կանանց և տղամարդկանց հավասարության համար, ուժեղ սեռի՝ ըստ արտաքինի ընկերուհի ընտրելու ավանդական ձևը կորցնում է իր արդիականությունը:

Այս ամենի հետ մեկտեղ, ֆինանսական տեսակետից ամրապնդվող թույլ սեռի անկախությունը վկայում է, որ տղամարդկանց գրավչությունը ավելի քիչ է ասոցացվում նրանց նյութական կարողությունների հետ:

Ըստ հարցումների՝ Իսլանդիան հանդիսանում է կանանց և տղամարդկանց իրավունքները ամենաքիչ ոտնահարող երկիրը: Այս ցանկում Ռուսաստանը ՝ 43-րդն է, Ֆրանսիան՝ 48-րդը:

Այսուհանդերձ գիտնականներն ընդգծում են, որ իրենց ենթադրությունները չեն նշանակում, թե տղամարդկանց ուշադրությունը կանանց արտաքինի հանդեպ կամ կանանց հետևողականությունը ուժեղ սեռի բարեկեցության հանդեպ, կանհետանա: