Իտալացիները հետ են պահանջում «Մոնա Լիզային» ֆրանսիացիներից

Ֆրանսիայի մշակույթի նախարար Աուրելիա Ֆիլլիպետան իտալական ազգային կոմիտեի կողմից ստացել է միջնորդագիր, որում պահանջ է ներկայացվում վերադարձնել փարիզյան Լուվրում պահպանվող «Մոնա Լիզա» նկարը: Փաստաթուղթը ստորագրված է ավելի քան 150.000 իտալացիների կողմից:
Իտալացիների կարծիքով Լեոնարդո դա Վինչիի գլուխգործոցը պետք է կախվի ֆլորենցիական նկարների թանգարանում: Նրանք համոզված են, որ նախարարն իր իտալական արմատների շնորհիվ ոչ միայն կտա դրական պատասխան իրենց պահանջին, այլև կհասկանա իրենց պահանջի  դրդապատճառները:

Ազգային կոմիտեն ֆրանսիական կառավարության հետ միասին հույս ունի «Մոնա Լիզայի» հարցը բարձացնել Ֆրանսիայի նախարարի հանդիպման ժամանակ: Այս մասին գրում է kp.ru-ն:

Դժվար չէ կռահել, որ Լուվրն արդեն մերժել է նկարը վերադարձնելու խնդրանքը, քանի որ Ֆրանսիայում իտալացիների պահանջը համարում են անհիմն:

Դա Վինչին իսկապես Ֆլորենցիայում է սկսել նկարել ֆլորենցիացի վաճառականի կնոջը՝ Լիզա Ջոկոնդային, սակայն պատմաբանները համոզված են, որ նա 1516 թվականին Ֆրանսիա գնալիս կտավը վերցրել է իր հետ: Գլուխգործոցը գնել է Ֆրանսիայի արքայական ընտանիքը, և ֆրանսիական հեղափոխությունից հետո այն հայտնվել է Լուվրում:

1911 թվականին նկարը գողացվեց, հետո գտնվեց Լուվրի նախկին աշխատակցի տանը: