Ամերիկացին խնդրել է հետաձգել իր մահապատիժը ճարպակալման պատճառով:

Մահվան դատապարտված ԱՄՆ քաղաքացին խնդրել է հետաձգել իր մահապատիժը, քանի որ տառապում է ճարպակալումով, հայտնում է AFP:

53-ամյա Ռոնալդ Փոսթը կշռում է 217 կգ: Նա սպասում է իր մահապատժին Օհայո նահանգի բանտերից մեկում, ուր մահն իրականացվում է պենտոբարբիտալի հեղուկի ներարկման միջոցով:

Փոսթի կարծիքով իր ավելորդ քաշի պատճառով բժիշկները կարող են դժվարություններ ունենալ ներերակային ներարկում կատարելու ժամանակ, ինչը կհանգեցնի տառապալից և դանդաղ մահվան:

Փոսթի փաստաբանը նույնպես նշել է, որ մահապատժի համար նախատեսված պատգարակը չի դիմանա պարզապես նրա ծանրությանը:

Ռոնալդ Փոսթը դատապարտվել է ծայրահեղ այդ պատժին 30 տ առաջ հյուրանոցի աշխատակցին սպանելու համար: