ԿԳՆ-ն պայքարում է կաշառակերության դեմ

«Մենք ուսանողներին հնարավորություն ենք տվել քննության արդյունքները բողոքարկելու, բացի այդ,  քննությունների ողջ ընթացքը տեսագրվում էր, այրդյունքում  կոռուպցիոն ռիսկերը նվազում են»։ Այս մասին լրագրողների հետ հանդիպմանն ասաց ՀՀ կրթության և գիտության նախարար Արմեն Աշոտյանը՝ անդրադառնալով ԿԳ նախարարության ձեռքբերումներին: Նա նկատեց նաև, որ այդ ձեռքբերումներից է  ուսումնարանների և քոլեջների ընդունելության քննությունների վերացումը։ «Չնայած  մենք ամեն տեղ պարզապես ի վիճակի չենք լինի վերահսկողություն սահմանել,  բայց, այդուհանդերձ, այս մեթոդով փաստացի կոռուպիոն ռիսկերը հասցվում են նվազագույնի»:

Ըստ նախարարի` լայնամասշտաբ աշխատանքներ են տարվում հատկապես դպրոցներում, որպեսզի կանխվեն հնարավոր կոռուպցիայի դեպքերը։

Արմեն Աշոտյանը նշեց, որ այս ոլորտում իրականացվող փոփոխությունները չնայած ընթանում են ճիշտ ուղով, բայց դանդաղկոտություն է նկատվում։

Աշոտյանը նկատեց նաև, որ ասուլիսը ոչ մի կապ չունի շաբաթ օրվա Կառավարության խորհրդակցության ժամանակ Սերժ Սարգսյանի կողմից արված քննադատությունների հետ և համընկնումն ուղղակի զուգադիպություն է։