Սիրիահայերը Հայաստանում ստանում են 100.000 դրամ աշխատավարձ
ԱՐԽԻՎ
5000-6000 սիրիահայեր գաղթել են Հայաստան, և Հայաստանի կառավարությունը, ինչպես նաև սփյուռքի նախարարությունը, մեծ օժանդակություն են ցուցաբերել նրանց: Այս մասին այսօր լրագրողների հետ հանդիպման ժամանակ ասաց Սիրիայի հյուսիսային շրջանի Հալեպ քաղաքի Սոցիալ-դեմոկրատ հնչակյան կուսակցության վարչական մարմնի անդամ Վազգեն Մեսրոպյանը:
«Այն մարդիկ, ովքեր դիմել են աշխատանք գտնելու համար, նրանցից իհարկե քիչ տոկոսը, բայց այսօր աշխատանք ունեն: Թեև Հայաստանի նվազագույն աշխատավարձը 32 հազ. դրամ է, բայց այստեղ արդեն իսկ աշխատող սիրիահայերը ստանում են 100.000 դրամ, ինչը վատ չէ:»:
Վազգեն Մեսրոպյանը նշեց նաև, որ իրենց կուսակցությունը առաջարկով դիմել է ՀՀ վարչապետին սիրիահայ երեխաներին դպրոց հատկացնելու համար, և ի ուրախություն արդեն գրանցված 150 երեխաների՝ սեպտեմբերի 24-ից նրանք կհաճախեն թիվ 14 դպրոց, որտեղ որոշ առարկաներ կդասավանդվեն արաբերենով:
Պատասխանելով հարցին, թե սիրիահայերը կհաստատվեն Հայաստանում, թե սա ժամանակավոր լուծում է, Վազգեն Մեսրոպյանն ասաց, որ մարդիկ իրենց տները, խանութները թողել ու եկել են Հայաստան և դեռ չգիտեն թե ինչ է լինելու, բայց որ ինքը որոշել է հաստատվել այստեղ, դա միանշանակ է:
Վազգեն Մեսրոպյանն ավելացրեց նաև, որ սիրիահայերի մեծամասնությունը արդեն դիմել է ՀՀ քաղաքացիություն ստանալու համար:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
