Հակահայկական խայտառակ ցույց Փարիզում

Ադրբեջանական ու թուրքական կազմակերպությունները բողոքի ակցիա են կազմակերպել Փարիզում Հայաստանի դեսպանատնից 200 մետր հեռավորության վրա; «Ակցիան Փարիզում հազիվ 150 մարդ է հավաքել, որոնց մի մասը ժամանել էր Գերմանիայից և Հոլանդիայից»,- նշել է անկախ լրագրող Ժան Էքիյանը։

Ցույցն անցել է Վիետա փողոցի շրջակա շենքերի մոտ, քանի որ ցուցարարներին արգելվել է դուրս գալ փողոցի երթևեկելի հատված։ Թուրքերի և ադրբեջանցիների ցույցը անց են կացրել Ադրբեջանի դեսպանատան առջև հայերի կազմակերպած ցույցից առաջ։ Ի տարբերություն ադրբեջանա-թուրքական ցույցի՝ հայության կազմակերպած ցույցին մասնակցել է 2000 մարդ։

Ֆրանսահայության բողոքի ակցիայի մասնակիցները մեծ ոգևորությամբ են մասնակցել հանրահավաքին՝ պահանջելով Ֆրանսիայի իշխանություններից դատապարտել Ադրբեջանի հայատյաց քաղաքականությունը և քայլեր ձեռնարկել, որպեսզի ոճրագործ Սաֆարովը մինչև վերջ կրի իր պատիժը։