Շաքիրան հայտնել է իր հղիության մասին

Երգչուհի Շաքիրան վերջապես հայտարարեց, որ երեխայի է սպասում իր իսպանացի ընկեր ֆուտբոլիստ Խերար Պիկեից: Այդ պատճառով նա որոշել է հետաձգել մի շարք ելույթներ, որպեսզի կարողանա կենտրոնանալ և պատրաստվել մայր դառնալու դերին. գրում է kp.ru-ն:

«Ինչպես շատերդ գիտեք, Խերարը և ես շատ երջանիկ ենք մեր առաջնեկի սպասվելիք ծննդյան առթիվ: Ուստի մենք որոշեցինք հատուկ ուշադրություն հատկացնել մեր ապագա փոքրիկին՝ հրաժարվելով մի շարք ելույթներից ու միջոցառումներից: Ցանկանում եմ շնորհակալություն հայտնել իմ երկրպագուներին իրենց սիրո և ըմբռնման համար: Համբուրում եմ, շուտով կհանդիպենք»,- ասել է երգչուհին:

Ապագա ծնողներին բժիշկներն արդեն ասել են, որ որդի են ունենալու: Շաքիրան և Խերարը պատրաստվում են նրան Ուլիսիտո անվանել:
Իսկ թե երբ երեխան լույս աշխարհ կգա, կոլումբացի աստղը չի բարձրաձայնում: