Խաչիկ Ասրյանը շնորհավորում է ՀՀ Անկախության 21-րդ տարեդարձի կապակցությամբ

Ստորև ներկայացնում ենք «Հայոց Արծիվներ» հայրենասիրական հասարակական կազմակերպության շնորհավորական ուղերձը:

«Հայաստանի Հանրապետության արժանապատի՛վ քաղաքացիներ

Արիական ծագում ունեցող անպարտելի հայ ժողովուրդը հայ ազգային-ազատագրական պայքարի թոհ ու բոհի մեջ ծնված արցախյան փառավոր հերոսամարտի ընթացքում, նահատակված և կենդանի հերոսների նվիրվածության, աշխատասիրության, պատասխանատվության շնորհիվ ձեռք բերեց անկախ պետականություն, որը յուրաքանչյուրիս համար դարձավ բացարձակ արժեք այնպես, ինչպես ծնողը, ընտանիքը, հայրենիքը:

Ուղիղ 21 տարի է Երկիր մոլորակի տարբեր անկյուններում բնակվող, արցախյան փառավոր հերոսամարտ հաղթանակած հայ ժողովուրդը մեծ հպարտությամբ նշում է Հայոց Պետականության Անկախության տարեդարձը:

Անձամբ իմ և «Հայոց Արծիվներ» հայրենասիրական հասարակական կազմակերպության անունից սրտանց շնորհավորում եմ Ձեզ' պատվարժան քաղաքացիներ' Հայաստանի Հանրապետության Անկախության փառավոր տոնի' 21-րդ տարեդարձի կապակցությամբ: Մաղթում եմ Ձեզ երկարակեցություն, անձնական կյանքում մեծագույն հաջողություններ, պետականաշինության գործում նոր ձեռքբերումներ և հայոց լեռներում ճախրող արծիվների անկոտրում ոգի»: