Անվտանգության ապահովման միջազգային ուժերի հրամանատարությունը խնդիրներ ունի Քաբուլում. ՆԱՏՕ

Աֆղանստանում ՆԱՏՕ-ի ավագ քաղաքացիական ներկայացուցչի լիազորությունները փոխանցող Սայմոն Գեսը խոստովանել է, որ գործնական համաձայնեցման խնդիրներ կան Աֆղանստանում անվտանգության ապահովման ուժերի (ISAF) հրամանատարության և այդ պետության կառավարության միջև, գրում է РИА Новости-ն։

«Մենք վերելքներ և վայրէջքներ կգրանցենք, բայց, անկեղծ ասած, ես ISAF-ի և աֆղանական կառավարության հարաբերությունների շատ ավելի բարդ շրջանների եմ ականատես եղել, քան այն, ինչ մենք տեսնում ենք այս պահին»,-հայտարարել է Գեսը Բրյուսելում, Աֆղանստանում ՆԱՏՕ-ի ավագ քաղաքացիական ներկայացուցչի պաշտոնում իր վերջին մամլո ասուլիսի ժամանակ։

Աֆղանստանում ՆԱՏՕ-ի ավագ քաղաքացիական ներկայացուցչի պաշտոնում Գեսին հոկտեմբերին կփոխարինի հոլանդացի Մորից Յոհեմսը։