Իրանը դիտմամբ ապակողմնորոշել է բրիտանական հետախուզությանը

Իրանն իր միջուկային ծրագրի հարցում մոլորության մեջ է գցել բրիտանական MI 6 հետախուզությանը՝ դիտմամբ տրամադրելով նրան ապատեղեկատվություն: Այդ մասին արաբական «Ալ Հայաթ» թերթին հայտնել է Իրանի փոխնախագահ ֆերեյդուն Աբբասի-Դավանին: Նա հայտարարել է նաև, որ բրիտանական և այլ արևմտյան հատուկ ծառայությունները տրամադրում են «Թեհրանի կողմից նրանց նետված ապատեղեկատվությունը» իր միջուկային ծրագրի մասին: Նրա խոսքերով Իրանի հետ բանակցությունների ժամանակ Միջուկային էներգիայի միջազգային գործակալությունը հիշատակել է տվյալներ, որոնք տրամադրել է նրանց հենց Թեհրանը Արևմուտքը ապակողմնորոշելու նպատակով:

«Միջուկային էներգիայի միջազգային գործակալությունը հայտնում է, որ նա ստանում է իր տեղեկությունները իր անդամ պետությունների հատուկ ծառայություններից: 7 տարի առաջ մենք հետևում էինք բրիտանական հատուկ ծառայություններին, որոնք տեղեկություն էին հավաքում այնպիսի մարդկանց համար, որոնց պատճառով իրանցի գիտնական-միջուկաբանները ենթարկվում էին հարձակման վտանգի սիոնիստական հատուկ ծառայությունների կողմից»:

«Մենք մեր հերթին երբեմն ապատեղեկատվություն էինք տարածում, որպեսզի պաշտպանենք մեր միջուկային օբյեկտները և մեր շահերը: Դա անխուսափելիորեն ապակողմնորոշում էր նաև մյուս հետախուզական ծառայություններին: Դա մեզ պարզ դարձավ Միջուկային էներգիայի միջազգային կազմակերպության հետ բանակցությունների ժամանակ»,-հայտարարել է Իրանի փոխնախագահը: