Սաակաշվիլի. Մեր դեմ պայքարում են ռուսական փողերով
ԱՐԽԻՎ
«Բռնությունների տեսարանները նկարահանվել են ռուսական փողերով և ցուցադրվել ընտրությունների նախօրեին»,- ուրբաթ օրը հայտարարել է Վրաստանի նախագահ Միխայիլ Սաակաշվիլին: «Մեր հետ պայքարում են ռուսական փողերով, կոմպրոմատի ռուսական միջոցներով, սպառնալով մեզ, թափահարելով զենքը սահմանին, սակայն մենք չենք վախենում»,-հայտարարել է նախագահը:
Սաակաշվիլին շեշտել է, որ «Վրաստանի վզին փորձում են փաթաթել զարգացման ռուսական տարբերակը՝ վերադարձնելով նրան հետ դեպի անցյալ՝ պայծառ ապագայի փոխարեն: Մեզ փորձում են խցկել հենց այդ նույն Գլդանի բանտը, որտեղ տեղի են ունեցել բռնությունները, ողջ Վրաստանը փորձում են խավար բանտի վերածել, մի կողմից սահմանի վրա սպառնալով զենքով, մյուս կողմից՝ օգտագործելով երկրի ներքին ուժերը». փոխանցոմ է Интерфакс-ը:
Սաակաշվիլին կոչ է արել իր ժողովրդին ուշքի գալ, լայն բացել աչքերը և հասկանալ, որ այդ հոլովակը նկարահանվել է տարի ու կես առաջ և ցուցադրվել միայն ընտրությունների նախաշեմին՝ նպատակ ունենալով վարկաբեկել իրեն: «Դա մի միջոց է ազդել ժողովրդի վրա՝ նրան շոկային իրավիճակի մեջ գցելով»,-ասել է նախագահը:
Նա միաժամանակ հայտարարել է, որ վստահ է իր ժողովրդի ճիշտ ընտրության մեջ, և գիտի, թե ում օգտին կքվեարկի «արժանավայել վրացական հասարակությունը»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
