Սիրիացի ապստամբները կործանիչ են ոչնչացրել

Սիրիայի Իդլիբ նահանգում ապստամբները ոչնչացրել են կործանիչին, հաղորդում է Reuters գործակալությունը։ Աղբյուրի տեղեկացմամբ, ինքնաթիռը կործանել են ապստամբները, որոնք պայքարում են Բաշար Ասադի դեմ, այդ ամբողջ գործընթացը տեղի է ունեցել Ատարիբ քաղաքի մերձակայքում գտնվող ռազմական բազայի գրոհի ժամանակ։ Սիրիայի իշխանությունների կողմից այդ առիթով մեկնաբանություններ դեռ չեն հնչել։ Կործանիչի մոդելը դեռ չի պարզվել։ Սեպտեմբերի 5-ին սիրիական Իդլիբ նահանգում երկու ռմբակոծիչներ են կործանվել։ Ավելի վաղ ապստամբները սպառնացել էին կործանել մարդատար ինքնաթիռներ, գործողությունները պատճառաբանելով նրանով, որ Ասադը այդ ինքնաթիռներով զենք է տեղափոխում։ Ատարիբիում ընթացող մարտերի մասին դեռ ոչինչ չի ասվում։ Ինչպես հայտնում է «Al Jazira» –ն, սեպտեմբերի 22-ին Սիրիայի խոշորագույն քաղաքում՝ Հալեպում շարունակվում են մարտերը։ Սիրիական Ազատ Բանակի հայտարարությունում, խոսվում է Դամասկոսի վրա մոտ ապագայում հարձակվելու մասին։ Սիրիայում քաղաքացիական մարտերը շարունակվում են 2011 թվականից սկսած, տարբեր գնահատականներով, ավելի քան 20 հազար մարդ է զոհվել։