Ով և որքան գումար է փոխանցել Փաշինյանի «ընտանեկան հիմնադրամին»

«Իմ Քայլը» հիմնադրամը թարմացրել է 2021 թվականի նվիրատուների ցանկը: 2019 թվականի ընթացքում «Իմ քայլը» բարեգործական հիմնադրամին, ըստ պաշտոնական տվյալների, փոխանցվել է 756 միլիոն դրամ, 1,7 միլիոն ԱՄՆ դոլար և 2,9 միլիոն ռուսական ռուբլի: Դիտարկելով  2021 թվականի առաջին կիսամյակի տվյալները, տեսնում ենք, որ հիմնադրամին էր փոխանցվել 413 հազար դրամ, 545 ԱՄՆ դոլար և 0 ռուսական ռուբլի: Թարմացված տվյալներով այդ թիվը կազմում է 959730 հազար դրամ, 745 ԱՄՆ դոլար, 750 եվրո և 0 ռուբլի: Նվիրատուների ցանկում կրկին բացակայում են հայտնի օլիգարխները, սակայն, գումարը, ինչպես տեսնում ենք, աճել է: Ում՞ հաշվին, այս հարցը հատկապես ուշագրավ է, քանի որ նվիրատվությունները կարծես թե արվել են ընտրական և հետընտրական գործընթացների ֆոնին:

300 հազար դրամ հիմնադրամին նվիրաբերել է Տաթևիկ Գրիգորյանը:

50 հազար դրամ Արտյոմ Մամյանը

30230 դրամ Ռոբերտ Ոսկանյանը

25000 դրամ Վարուժան Հակոբյանը

20000 դրամ Գևորգ Իսպիրյանը

20000 դրամ Մարատ Սաֆարյանը

3000 դրամ Հայկակ Արշամյանը

150 դոլար  Ահարոն Մելքոնյանը

120 եվրո Գևորգ Թովմասյանը

350 դոլար Կարինե Էլբակյանը

Անանուն նվիրաբերվել է 30 եվրո, 5000 դրամ:

Ընդհանուր առմամբ, կարող ենք փաստել, որ, նախորդ տարիների համեմատ, ժողովրդական սերը առ վարչապետի տիկնոջ հիմնադրամ զգալիորեն մարել է, միևնույն ժամանակ նվիրատուները սկսել են նաև անանուն գումար փոխանցել, ինչը ևս թափանցիկության հետ կապված հարցեր է առաջացնում: