Բո Սիլայի աջակից Վան Լիցզյունը դատապարտվել է 15 տարի ազատազրկման

Չինաստանում 15 տարվա ազատազրկման է դատապարտվել Ցուցինա քաղաքի նախկին ոստիկանապետ Վան Լիցզյունը. նա մեղավոր է ճանաչվել դասալքության, լիազորությունների չարաշահման և կաշառակերության մեջ։

Լիցզյունը «դարի չինական գործընթացի»՝ հայտնի կուսակցական գործիչ Բո Սիլայի ընտանիքի շուրջ սկանդալի հիմնական անդամներից մեկն է»: Բո Սիլայը Լիցզյունի անմիջական ղեկավարն էր։

Հիշեցնենք, որ Չինաստանի Կոմունիստական կուսակցության նախկին անդամ Բո Սիլայի կնոջը՝ Գու Կայլային մահվան է դատապարտել երկու տարվա հետաձգմամբ։ Կինը մեղավոր է ճանաչվել բրիտանացի գործարարի սպանության գործով:

Գործարարի դին հայտնաբերվել է 2011 թվականի նոյեմբերի 15-ին Չունցին քաղաքի հյուրանոցներից մեկում: Սկզբում ենթադրում էին, որ նա մահացել է սրտի կաթվածից, սակայն քաղաքապետի նախկին ավագ օգնականը հետագայում հայտնել է, որ Հեյվուդը սպանվել է:

Հետաքննությունը պարզել է, որ Գու Կայլան և նրա որդի Բո Գուագուան լավ հարաբերություններ են ունեցել Հեյվուդի հետ, սակայն նրանց միջև տնտեսական հարցերում անհամաձայնություն է ծագել: Արդյունքում կինը թունավորել է բրիտանացուն, երբ նա գտնվել է ալկոհոլի ազդեցության տակ։