Չինական բոլոր նավերը լքել են վիճելի կղզիների գոտին

Երեք չինական հսկիչ նավեր, որոնք այսօր մի քանի ժամ լողում էին Սենկակու կղզիների տարածքում, լքել են գոտին, որը Ճապոնիան համարում է իր տարածքը:

Երկու պարեկային և ձկնորսական հսկողության մեկ նավ մտել էին վիճելի ջրային տարածքներ՝ ի հաստատումն Պեկինի դիրքորոշման, որը համարում է իր այդ տարածքները անօրինականորեն շրջափակված:

Ճապոնացի սահմանապահները ռադիոյով պահանջել են հեռանալ, սակայն որևէ ակտիվ գործողություն չեն ձեռնարկել: Տոկիոյի հաղորդմամբ՝ Սենկակուի շրջանում այժմ կենտրոնացած է ընդամենը 11 չինական պարեկային նավ: Ճապոնիայի վարչապետի քարտուղարությունում  ներկայիս իրավիճակի հետ կապված ստեղծվել է ճգնաժամային շտաբ: ԱԳՆ-ն Չինաստանի դեսպանին բողոք է հայտնել: Սակայն Ճապոնիան ձգտում է չխորացնել կոնֆլիկտը:

Պեկինը գտնում է, որ Ճապոնիան նվաճել է Սենկակու կղզիները Արևելաչինական ծովում 1985թ. կայսերական Չինաստանի դեմ տարած հաղթանակից հետո: Տոկիոն էլ հայտարարում է, որ յուրացրել է կղզիներն այն բանից հետո, երբ համոզվել է, որ դրանք անմարդաբնակ են և ոչ ոքի չեն պատկանում: Մինչև վերջերս այդ կղզեախմբի 5 կղզիներից 4-ը պատկանում էին ճապոնական անհատ ընտանիքների, որոնք չէին թույլատրում այնտեղ որևէ տնտեսական գործունեություն, որպեսզի չսրվեն հարաբերությունները Պեկինի հետ: Այս տարի, սակայն, կղզիների առքուվաճառքի հեռանկարներ էին առաջացել, և դրանք կարող էին հայտնվել ճապոնացի ազգայնամոլների ձեռքում: Արդյունքում Տոկիոն սեպտեմբերի 11-ին գնեց դրանցից 3-ը, ինչի արդյունքում պետությանը հաջողվեց պահպանել կղզիներում որևէ գործունեության արգելքի և առանց հատուկ թույլտվության դրանք այցելելու ռեժիմը:
Պեկինը դրան շատ կոշտ արձագանքեց, քանի որ գնահատեց այդ արարքը որպես կղզիների վրա Ճապոնիայի ազդեության ուժեղացմանը ուղղված քայլ: