ՔՊ-ական թաղապետերի անցած ուղին. Ավետ Պողոսյան

Շարունակում ենք ընթերցողի ուշադրությանը ներկայացնել՝ Երևանի վարչական շրջանների ղեկավարների անցած ուղին: Այսօր կանդրադառնանք Կենտրոն վարչական շրջանի ղեկավար Ավետ Պողոսյանին:

Եվ այսպես՝ Պողոսյանի կենսագրությունից պարզ է դառնում, որ նա 1998թ. ընդունվել է Երևանի պետական համալսարանի փիլիսոփայության, սոցիոլոգիայի և հոգեբանության ֆակուլտետ: 2002թ. ստացել է փիլիսոփայության բակալավրի, իսկ 2004-ին՝ մագիստրոսի կոչում։ 2005 -2006թթ. աշխատել է «Ռուչնայա ռաբոտա» գովազդային գործակալությունում (Մոսկվա, ՌԴ)՝ որպես արտադրության կազմակերպման պատասխանատու։ 2008թ. մայիսին Հարվարդի համալսարանում (Մասաչուսեթս, ԱՄՆ) մասնակցել է «Առաջնորդություն, բանակցություններ և քաղաքական վերլուծություններ» թեմայով վերապատրաստման դասընթացին։ 1998-2005 թթ.., ինչպես նաև 2006-2015թթ.. աշխատել է «Վան Արյան» հրատարակչատանը, նախ` որպես արտադրության կազմակերպման պատասխանատու, ապա՝ գործադիր տնօրեն։ 2015-2019թթ.. զբաղվել է ձեռնարկատիրական գործունեությամբ: 2019թ. մարտից զբաղեցրել է ՀՀ անվտանգության խորհրդի քարտուղարի խորհրդականի պաշտոնը։ 2019թ. դեկտեմբերին նշանակվել է Կենտրոն վարչական շրջանի ղեկավար:

Վերջինիս` այդ պաշտոնում նշանակվելուց հետո մամուլը գրում էր, որ քաղաքապետ Հայկ Մարությանի վաղեմի ընկերը լինելու հանգամանքն է դեր խաղացել, որպեսզի նշանակվի Կենտրոնի թաղապետ։ Ավետ Պողոսյանը նաեւ իշխանական պատգամավորի ամուսին է։ Նրա կինը՝ Արուսյակ Ջուլհակյանը, ԱԺ «Իմ քայլը» խմբակցության անդամ է։