Եթե ժողովուրդը ասի՝ դեմ է կապիտուլյացիային, հաջորդ օրը այս իշխանությունը կհեռանա. Սաղաթելյան
Հրապարակումներ«Եթե հայ ժողովուրդը դուրս գա փողոց և ասի, որ պատրաստ չէ նոր կապիտուլացիայի, էս իշխանությունները հաջորդ օրը կհեռանան: Մեր խնդիրը այսօր խոսել մեր ազգաբնակչության հետ, մեր հայրենակիցների հետ բացատրել, որ էս մարդիկ մեր երկիրը տանում են կործանման, սա իշխանության համար պայքար չէ, սա իշխանության համար կռիվ չէ, էս պայքարը մեր երկրի պետականության համար է»: Այս մասին այսօր Աժ-ում լրագրողների հետ զրույցում ասաց «Հայաստան» խմբակցության պատգամավոր, ԱԺ փոխխոսնակ Իշխան Սաղաթելյանը:
Սաղաթելյանը հայտնեց, որ երկիրը նոր սպառնալիքերի առջև է կանգնել, իսկ իշխանությունը չի սպասարկում հայ ժողովրդի շահերը։
«Հայաստանին այս պահին սպասվում է թուրքացման գործընթաց։ Ունենք լրջագույն մտահոգություն տեղի ունեցող հարցերի հետ կապված։ Դատապարտելի է Փաշինյանի և Էրդողանի այն սիրախաղը, որը սկսվել է այս օրերին։ Երեկ ևս Էրդողանն ասաց, որ Հայաստանից ստանում են դրական ազդակներ»։
Սաղաթելյանը մեկ անգամ էլ նշեց, որ սկսվելու են բողոքի ակցիաներ.
«Սեպտեմբերի 26-ին տեղի կունենա հիշատակի քայլերթ, իսկ դրանից հետո կսկսվեն տարբեր ակցիաներ ու գործողություններ։ Հոկտեմբերի մեկից սկսած խմբակցության պատգամավորները մարզային այցելություներ կսկսեն։ Մինչև նոյեմբերի 9-ը կան պլանավորած բազմաթիվ միջոցառումներ»։
Ամենադիտված 
Մնաս բարյավ. Րաֆֆի Հովհաննիսյան
