Իրանի նախագահը CNN-ի եթերում քննադատել է ԱՄՆ-ին և Իսրայելին

Իրանի նախագահ Մահմուդ Ահմադինեջադը Իսրայելն անվանել է «կեղծ միջուկային ռեժիմ», որը գտնվում է ԱՄՆ-ի հովանավարության տակ։ Իր հայտարարությունը նա արել է CNN հեռուստաընկերության եթերում ՄԱԿ-ի Գլխավոր Ասամբլեայի նախօրեին։

Նա միաժամանակ մեղադրել է ԱՄՆ-ին և մյուս երկրներին խոսքի ազատության չարաշահման մեջ, որի արդյունքում  նրանք չեն կարողանում հանդես գալ հասարակության զգացմունքների և «աստվածային մարգարեների» վիրավորողների դեմ՝ օրինակ բերելով վերջերս «Մուսուլմանների անմեղություն» ֆիլմը։

Իրանի առաջնորդը, ով կոչ է անում ոչնչացնել Իսրայելը, քննադատել է Իսրայելի կողմից պաղեստինյան տարածքների շրջափակումը և ՄԱԿ-ում ԱՄՆ-ի վետոյի իրավունքը։

Ահմադինեջադը նշել է նաև, որ ՄԱԿ-ի ԱԽ-ը չի կարող ապահովել աշխարհում խաղաղությունը ԱՄՆ-ի, Ռուսաստանի, Չինաստանի, Անգլիայի և Ֆրանսիայի «խտրականություն դնող» վետոյի պատճառով։