ՔՊ-ական թաղապետերի անցած ուղին. Ռազմիկ Մկրտչյան

Շարունակում ենք ընթերցողի ուշադրությանը ներկայացնել Երևանի վարչական շրջանների ղեկավարների անցած ուղին և կենսագրությունները: Այսօր կանդրադառնանք Շենգավիթ վարչական շրջանի ղեկավար Ռազմիկ Մկրտչյանին:

Երևանի քաղաքապետարանի պաշտոնական կայքում տեղադրված վերջինիս կենսագրությունը հուշում է, որ Մկրտչյանի քաղաքական կարիերան, ինչպես և իր շատ ու շատ գործընկերներներինը, սկիզբ է առել միայն 2018-ի հեղափոխությունից հետո:

Դիցուք՝ 2010-2012թթ. ծառայել է ՀՀ զինված ուժերում՝ որպես կուրսանտ, դասակի հրամանատարի տեղակալ (սերժանտ), այնուհետև 2016թ.-ին՝ ինժեներասակրավորային վաշտի հրամանատար, պահեստազորի լեյտենանտ:
2018թ. նոյեմբերին նշանակվել է Երևան քաղաքի Շենգավիթ վարչական շրջանի ղեկավար:

Չունենալով վառ քաղաղաքական անցյալ, որևէ տեղ մինչ թաղապետ դառնալը չաշխատած Մկրտչյանը արձանագրել է անչափ վառ քաղաքական ներկա, որը արտահայտվել է տարատեսակ սկանդալների կիզակետում հայտնվելով: Դիցուք՝ ոստիկանության Շենգավիթի բաժնի հետաքննչական բաժանմունքում նյութեր էին նախապատրաստվում Շենգավիթ վարչական շրջանի ղեկավար Ռազմիկ Մկրտչյանի, Շենգավիթ վարչական շրջանի ղեկավարի տեղակալ Համլետ Գրիգորյանի և Շենգավիթ վաչական շրջանի ղեկավարի օգնական Անդրանիկ Մինասյանի կողմից Շենգավիթի թաղապետարանում թաղապետարանի աշխատակցին ծեծի ենթարկելու փաստով։ Միջադեպի պատճառն այն է, որ Շենգավիթի վարչական շրջանի ղեկավարի աշխատակազմում որպես համակարգչային օպերատոր աշխատող Գ. Պողոսյանին թաղապետն ու տեղակալն ասել են, որ նա պետք է աշխատանքից ազատման դիմում գրի, սակայն Գ. Պողոսյանը մերժել է, ինչից հետո պաշտոնյաները գործի են դրել բռունցքները։