ՔՊ-ական թաղապետերի անցած ուղին. Սուրեն Ղամբարյան

Շարունակում ենք ընթերցողի ուշադրությանը ներկայացնել Երևանի վարչական շրջանների ղեկավարների անցած ուղին: Այսօր կանդրադառնանք Նոր-Նորք վարչական շրջանի ղեկավար Սուրեն Ղամբարյանին: 

Սուրեն Ղամբարյանը տնտեսագետ է, նախկին հարկային տեսուչ, հազարավոր հարկայինի տեսուչների զանգվածում նա աչքի է ընկել, գուցե թե թեկնածուական աստիճանով ու գիտական հոդվածներով: 2009-2011 թթ-ին աշխատել է ՀՀ ԿԱ ՊԵԿ Մաշտոցի տարածքային հարկային տեսչության հարկային տեսուչ, 2011-2013 թթ-ին՝ ՀՀ ԿԱ ՊԵԿ Շենգավիթի տարածքային հարկային տեսչության հարկային տեսուչ, ՀԾ 3-րդ դասի խորհրդական, 2013-2018 թթ-ին՝ ՀՀ ԿԱ ՊԵԿ խոշոր հարկ վճարողների հարկային վարչության- տեսչության բաժնի պետի տեղակալ։ 

Սակայն, նրա կենսագրության ամենամեծ թռիչքը սոցիալական ծառայության  պետի պաշտոնն էր, որին նա ընդամենը մի քանի ամիս դիմացավ՝ 2019 թվականի մարտից մինչև սեպտեմբեր: Այդ կառույցում նրա պաշտոնավարման վերջին ամիսներին մամուլը պարբերաբար անդրադառնում էր, որ լարված են  Ղամբարյանի, նրա տեղակալ Արսեն Օհանյանի, ինչպես նաեւ ծառայության գլխավոր քարտուղար Վանիկ Բաբաջանյանի հարաբերությունները։ Մամուլը նաև գրել էր, որ Ղամբարյանը սերտ կապերի մեջ է ԱԺ պատգամավոր Հայկ Սարգսյանի հետ, որը լոկոմոտիվի դեր է խաղում Ղամբարյանի կարիերայում: 

Ղամբարյանը զբաղեցրել է նաև վարչապետի խորհրդականի պաշտոնը, որից ազատվելուց հետո էլ նշանակվել է վարչական շրջանի ղեկավար: