Արևմուտքի կոշտ հասցեական մեսիջը՝ Նիկոլ Փաշինյանին

Freedom House միջազգային իրավապաշտպան կազմակերպությունը մտահոգություն է հայտնում Հայաստանի վարչապետ Նիկոլ Փաշինյանին մեկնաբանությունում վիրավորած ֆեյսբուքյան օգտատիրոջ դեմ վերջերս հարուցված քրեական գործի առնչությամբ։

Կազմակերպությունն իր հաղորդագրությունում նշում է, որ դա տեղի է ունեցել կառավարական պաշտոնյաներին «ծանր վիրավորանք» հասցնելը քրեականացնող օրենսդրական փոփոխությունների՝ խորհրդարանի կողմից ընդունվելուց երկու ամիս անց, և «նշանավորում է Հայաստանում ժողովրդավարական նորմերի, այդ թվում՝ արտահայտվելու ազատության հստակ նահանջ»։

Հեղինակավոր իրավապաշտպան կազմակերպությունը Հայաստանի իշխանություններին կոչ է անում «անմիջապես դադարեցնել վիրավորանքը քրեականացնող այս հակասահմանադրական օրենսդրության կիրառումը»։

Ինչպես երևում է՝ նույնիսկ օրվա իշխանություններին մշտապես լոյալ այս կազմակերպությունն է որոշել Փաշինյանին հուշել՝ կան սահմաններ, որոնք չպետք է անցնել: Իհարկե, նմանատիպ կոշտ հայտարարությունները և գնահատականները կրում են քաղաքական մեսիջ և հանդիսանում են քաղաքական ազդեցության գործիք և քաղաքական մահակ՝ հայտարարության հասցեատերերի դեմ: ԱՄՆ ֆինանսական օժանդակությունը մեծամասամբ կախված է նաև հենց նմանատիպ զեկույցներից և գնահատականներից, իսկ դրանք այսօր Փաշինյանի և թիմի օգտին չեն: Ինչպես երևում է՝ արևմուտքը Փաշինյանին հասցեական մեսիջ է հղում, այս անգամ դեռևս Freedom House-ի միջոցով...