ՔՊ-ական թաղապետերի անցած ուղին. Կարեն Հակոբյան

Երևանի վարչական շրջանների ղեկավարների անցած ուղին և կենսագրությունները ներկայացնող մեր շարքը ավարտենք՝ Քանաքեռ Զեյթուն վարչական շրջանի ղեկավար Կարեն Հակոբյանին անդրադառնալով:

Եվ այսպես՝ Երևանի քաղաքապետարանի պաշտոնական կայքում տեղ գտած նրա կենսագրությունը հուշում է, որ մինչ հեղափոխությունը Հակոբյանը ինչպես և շատ ու շատ իր գործընկերներ որևէ առնչություն չի ունեցել պետական կառավարման ոլորտի հետ:

1995–2012թթ. եղել է «Էլեն եւ ընկերներ» ՍՊԸ–ի տնօրենը,1995–2005թթ.՝«ՀԿԺ» ՍՊԸ–ի տնօրեն: 2004–2008թթ. եղել է «Կիպթրեյդ» ՍՊԸ–ի տնօրենը, իսկ 2013–2015թթ. աշխատել «Կարեն Նավասարդյան» Ա/Ձ–ում՝ որպես մենեջեր: 2018-ին նշանակվել է վարչական շրջանի ղեկավար: Այսինքն՝ վերջինիս կառավարչական հմտությունները սահմանափակվում են ԱՁ մենեջերի մակարդակով, սակայն, դա չի խանգարել, որպեսզի վերջինս շուրջ երեք տարի հաջող կերպով պահպանի իր պաշտոնը, չնայած այն հանգամանքի, որ նրա ավելի փորձառու գործընկերները այդ պաշտոնններին արդեն վաղուց հրաժեշտ են տվել: