Փաշինյանի ընտանեկան հիմնադրամն անտեսո՞ւմ է Արցախը

Վարչապետի ընտանիքին պատկանող՝ «Իմ քայլը» հիմնադրամը պատրաստվում է ներկայացնել 2020-2021 թվականների գործունեության ֆինանսական հաշվետվությունը: Հետաքրքիր է իմանալ, թե հետպատերազմյան և համավարակի ճիրանների մեջ գտնող երկրում հիմնադրամը որքանով է բացել քսակը՝ հենց այդ խնդիրների լուծմանն ուղղված ծրագրեր իրականացնելու նպատակով: Իսկ ամենահետաքրքիրը այն հանգամանքը պարզելն է, թե որքան է հիմնադրամը հատկացրել Արցախին և Արցախի մեր հայրենակիցների խնդիրների լուծմանը: Չենք զարմանա, եթե նման հատկացում ընդհանրապես չլինի, բանն այն է, որ 2019 թվականին «Իմ քայլը» հիմնադրամի կողմից 2 միլիարդ դրամի ծրագիր է իրականացվել, ինչը ողջունելի է, սակայն այդ  2 միլիարդից և ոչ մի լումա չէր ուղղվել Արցախ. ինչը ողջունելի լինել չի կարող: