Վահե Ղալումյանը գերազանցեց ինքն իրեն

ՔՊ-ական պատգամավոր Վահե Ղալումյանն, անդրադառնալով վարչապետ Նիկոլ Փաշինյանի հայտարարությանը, թե պատրաստ է բոլոր քարտեզները տրամադրել, եթե Ադրբեջանը վերադարձնի բոլոր գերիներին, հայտարարել է. «Եթե չեմ սխալվում ականապատված տարածքների քարտեզների մասին է խոսքը, որոնք այս պահին գտնվում են Ադրբեջանի այսօրվա դիրքերի թիկունքում, որոնք մեզ պետք չեն եւ կարելի է մարդասիրական մղումներից ելնելով քարտեզները հանձնել՝ փոխարենը ստանալ բոլոր գերիներին»:

Ստացվում է՝ Տավուշի անկլավները ադրբեջանական համարող Ղալումյանը հիմա էլ հայտարարում է, որ Արցախի ականապատ տարածքները մեզ պետք չեն, ասել է թե՝ մեր հայրենիքի մի մաս մեզ պետք չէ: Արդեն հիմնավոր կասկածներ են առաջանում , թե որ երկրի շահերն է ներկայացնում Ղալումյանը և ում ջրաղացին  է ջուր լցնում: Տպավորություն է, որ Ղալումյանը շփոթումունքի մեջ է և չի գիտակցում, որ ներկայացնում է ոչ թե մեջլիսը, այլ ՀՀ ԱԺ-ն: Ընդհանրապես, հետաքրքիր է՝ իսկ Վահե Ղալումյանի համար կա՞ն տարածքներ ՀՀ-ում և Արցախում, որ հայկական են ու պիտանի...