Սոցապ փոխնախարարը ծաղրո՞ւմ է քաղաքացիներին

Հայաստանում սոցապ նախարարներն ու փոխնախարարները բնակչության վրա, մեղմ ասած, չեն գալիս: Դրա վառ ապացույցը այն է, որ վերջիններս ընդհանրապես հետաքրքրված չեն քաղաքացիների սոցիալական վիճակի բարելավմամբ և մեծամասամբ աշխատանքային գործունեության իմիտիացիայով են զբաղված: Օրինակ՝ նախկին նախարար Զարուհի Բաթոյանը պատերազմի ամենաթեժ պահին փոխարենը ծրագրեր մշակեր օգնելու պատերազմից տուժած, լուրջ սոցիալական խնդիրների առջև կանգնած մեր հայրենակիցներին, կարծես ծաղրեր՝ կաթսաներով ֆլեշմոբ անելու իր առաջարկով; Չնայած, պատերազմից հետո էլ Բաթոյանը առանձնապես աչքի չընկավ՝ հանուն ՀՀ քաղաքացիների բարեկեցության իր անձնվեր աշխատանքով:

Հիմա էլ հերթը հասել է սոցապ փոխնախարար Ռուբեն Սարգսյանին, ով, արդարացնելով պետական ապարատում տիրող բարդակը, շատ հանգիստ հայտարարում է՝ եթե քաղաքացիները հոկտեմբերի 1-ին հանձնել են ՊՇՌ թեստ, թող մի անգամ էլ հանձնեն, ի՞նչ է եղել որ: Սարգսյանը թերևս չի հասկանում՝ եղել է այն, որ իր կողմից ղեկավարած կառույցը չի լուծում քաղաքացիների, այդ թվում անապահով խավի սոցիալական խնդիրները, բայց փաստորեն ողջունում է, որ  վերջիններիս սոցիալական բեռը ավելանա: Եթե Հայաստանում կենսաթոշակը բարձրացվում է 2000 դրամով, ապա դա անգամ մեկ թեստավորման արժեքը չի փակում և հետևաբար սոցապ նախարարի նման քամահրական վերաբերմունքը խոսում է այն բանի մասին, որ սույն պաշտոնյան պարզապես չի հասկանում քաղաքացիների սոցիալական խնդիրների չափն ու էությունը...