Կառավարության՝ 35 միլիոնանոց նոր շոուն. տեսարան կա, կա տեսարան
Վերլուծական
Կառավարությունը այսօր որոշում է կայացրել, 35 մլն դրամ տրամադրել Փարաքար-Էջմիածին հատվածում կրոս վազքի մրցույթի համար:
Մի կողմ թողնենք այն հանգամանքը, որ անգամ միջազգային մրցաշարերը թերևս այդքան թանկ հաճույք իրենցից չեն ներկայացնում, էլ ուր մնաց կրոսով նման փոքր տարածք կտրել անցնելը: Բայց դա հարցի այլ կողմն է. կառավարությունը իր վերաբերմունքը սպորտի ոլորտին վաղուց է ցուցաբերել, երբ օրինակ՝ ծանրորդները պատշաճ չէին կարողանում պատրաստվել օլիմպիական խաղերին, որովհետև կառավարությունը չէր բարեհաճել վերջիններիս մարզագույք տրամադրել:
Ստացվում է` հիմա էլ որոշել են սպորտային շոու կազմակերպել՝ բնակչությանը հրամցնելով տեսարաններ, քանի որ հաց այլևս չկա: Շուրջ 36 միլիոն դրամ ուղղվում է վազքի մրցույթին մի դեպքում, երբ կառավարության դիմաց բողոքի ակցիա են իրականացնում անտուն և առանց տան վարձի մնացած արցախցիները: Կառավարության համար դա առաջնահերթություն չէ, չնայած` հենց իրենց ապաշնորհ և պարտվողական քաղաքականության արդյունքում են տվյալ մարդիկ զրկվել հայրենիքից և տնից: Կարևորը՝ վարչապետը հանդիսավորությամբ կհանձնի գավաթը մրցույթի հաղթողին, մարդկանց դեպքին կրկին ժպիտ կլինի, 36 միլիոնն էլ՝ ինչ իմանաս, թե ուր կհոսի, ավելի ճիշտ՝ կվազի: Իսկ արցախցիները և սոցիալական խնդիրներ ունեցող մեր մյուս հայրենակիցները թող սպասեն:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
