Fact check. կառավարությունը թաքցնում է գործազրկության իրական մակարդակը

Վերլուծական 9 Հոկտեմբեր, 2021 20:09

Սոցիալապես խոցելի խմբերի քաղաքացիների (աղքատ ընտանիքներ, աշխատող աղքատներ և այլն) իրական եկամուտների նվազման ֆոնին շարունակում է աճել աղքատության մակարդակը՝ 2019 թվականին աղքատության մակարդակը աճել է 3 տոկոսային կետով և դարձել է 26,3 տոկոս։ Իսկ Համաշխարհային բանկի նախնական գնահատմամբ` 2020 թվականին այն ևս աճել է 7 տոկոսային կետով։

2020 թվականի հունվարի 1-ից հետո անապահովության նպաստների, կենսաթոշակների, նվազագույն աշխատավարձի չափերը չեն ավելացել։ 2021 թվականի հունվար-օգոստոսին միջին աշխատավարձն աճել է 6 տոկոսով, իսկ միջին գները 6,4 տոկոսով՝ նախորդ տարվա նույն ժամանակահատվածի համեմատ:

Վերջին մարդահամարի տվյալներով՝ ՀՀ բնակչության թիվը 2 մլն 924 հազար 816 է, այսինքն՝ աղքատ է համարվում 772 հազար 151 մարդ կամ գրեթե ամեն 4-րդ մարդը:

Մինչդեռ «Քաղաքացիական պայմանագիր» կուսակցության ծրագրում նշված է, որ մինչև 2026 թվականը գերխնդիր է համարվում աղքատության ցուցանիշի կրկնակի նվազումը: Ինչպես տեսնում ենք՝ վիճակագրական կոմիտեն ի ցույց է դնում այն հանգամանքը, որ իշխանությունները իրենց տված խոստումը կատարելուց անչափ հեռու են, ավելին՝ նշված ցուցանիշը կրճատվելու փոխարեն միայն աճել է:

Ի դեպ, 2019-ին տվյալ անհամապատասխանությունը քողարկելու նպատակով Փաշինյանը խորամանկության էր դիմել: նա գործազրկության ցուցանիշը համեմատել էր ոչ թե այդ տարվա առաջին եռամսյակի, այլ նախորդ տարվա երկրորդ եռամսյակի հետ և գործազրկության նվազման համեմատաբար «համեստ» ցուցանիշ էր նշել՝ 29 հազար 200 մարդ։ Նիկոլ Փաշինյանի վկայակոչած գործազրկության ցուցանիշի սուտ լինելն ավելի ակնառու է դառնում, երբ համեմատում ենք նրա իսկ ընտրած տարբերակով՝ մասնավորապես 2018 թ․-ի երկրորդ եռամսյակի ցուցանիշը համեմատելով 2017 թ․-ի երկրորդ եռամսյակի ցուցանիշի հետ։ Այս դեպքում պարզվում է, որ գործազրկության ցուցանիշը նշված ժամանակահատվածում նվազել է ընդամենը 1200 մարդով՝ 237,6 հազարից դառնալով 236,4 հազար։ Այսինքն` 2017 թ․-2018 թ․-ի սկիզբը բարձր տնտեսական աճ արձանագրող երկրում մեկ տարվա ընթացքում գործազրկությունը նվազել է ընդամենը 1200 մարդով, իսկ Նիկոլ Փաշինյանի և նրա ապաշնորհ կառավարության մեկ տարվա իշխանության ընթացքում անընդհատ ցնցվող և քայքայվող երկրում 29200 մարդով: Համաձայնեք՝ քիչ հավանական է: