Fact check. ում, երբ և որքան գումար է տրամադրվել Հովհաննես Հարությունյանի հրամանով

Երեկվա ՏԻՄ ընտրությունները կրկին ուղեկցվեցին սկանդալներով: Այս անգամ էլ լրագրողներին հետաքրքրել էր, թե ինչու է Շիրակի մարզպետ Հովհաննես Հարությունյանն ընտրությունների նախօրեին որոշել մարզի բնակիչներին գումար բաժանել: Ինքը` Հովհաննիսյանը, պնդեց, որ նման օգնության տրամադրումը մարզում կրում է մշտական բնույթ և պարբերաբար է տեղի ունենում: 

Հովհաննիսյանը մարզպետ է նշանակվել այս տարվա հունվար ամսին: Դրանից հետո մարզպետի որոշմամբ դրամական օգնություն է տրամադրվել հետևյալ ամիսներին և հետևյալ չափով: 2021 թվականի փետրվարի 21-ին դրամական օգնություն է տրամադրվել 2 միլիոն 865 հազար դրամի չափով: 2021 թվականի մարտի 18-ին տրամադրված դրամական օգնության չափը կազմել է  1 միլիոն  635 հազար դրամ: 2021 թվականի մայիսի 7-ին ֆինանսական օգնություն է տրամադրվել 420 հազար դրամի չափով: 2021 թվականի մայիսի 18-ին տրամադրված դրամական օգնության չափը կազմում էր 1 միլիոն  250 հազար դրամ: 2021 թվականի հունիսի 4-ին դրամական օգնություն է տրամադրվել 1 միլիոն  540 հազար դրամի չափով: 2021 թվականի հունիսի 30-ին տրամադրվել է ֆինանսական օգնություն՝ 1 միլիոն  530 հազար դրամի չափով: 2021 թվականի հուլիսի 29-ին դրամական օգնություն է տրամադրվել 1 միլիոն 375 հազար դրամի չափով: 2021 թվականի օգոստոսի 12-ին 750 հազար դրամի դրական օգնություն է տրամադրվել մարզպետի որոշմամբ: 2021 թվականի հոկտեմբերի 1-ին տրամադրվել է 1 միլիոն 775 հազար դրամի համարժեք օգնություն:

Արդյունքում ունենք հետևյալ պատկերը՝ ամենամեծ օգնությունը մարզպետի կողմից տրամադրվել է իր նշանակվելուց անմիջապես հետո: Ակնհայտ է, որ խորհրդարանական և ՏԻՄ ընտրություններին նախորդող օրերին մարզպետի կողմից տրամադրվել է դրամական օգնություն: Մասնավորապես՝ մայիս-հունիս ամիսներին և հոկտեմբեր ամսվա սկզբում: