Փաշինյանի անկատար խոստումը. ինչո՞ւ 2.5 միլիարդ դոլարն այդպես էլ չմտավ ռազմական բյուջե
Վերլուծական2022 թվականի պաշտպանական բյուջեն, 2021-ի պլանի համեմատ, ավել է 11 տոկոսով։ Բյուջե-2022-ի նախագծի նախնական քննարկումների ժամանակ այսօր ԱԺ–ում հայտարարեց վարչապետ Նիկոլ Փաշինյանը։ «2022 թվականի պաշտպանական բյուջեն կկազմի ավելի քան 345 մլրդ դրամ։ Մենք հետևողականորեն շարժվելու ենք Հայաստանում պրոֆեսիոնալ բանակ ստեղծելու ճանապարհով, բայց դա անելու ենք սահուն` քայլ առ քայլ մեծացնելով զինվորական ծառայության գրավչությունը, բարելավելով սպայի և սպայական ծառայության կերպարը»,–ասաց Փաշինյանը։
Հիշեցնենք, որ 2018 թվականի նոյեմբերի նախընտրական խոստման մեջ Փաշինյանը, մասնավորապես, նշել էր՝ «Առաջիկա հինգ տարիներին Զինված ուժերի մարտունակության բարձրացման համար Հայաստանի կառավարությունը մտադիր է հատկացնել հավելյալ 2.5 միլիարդ դոլար»: Շուտով կընթանա այս իշխանությունների պաշտոնավարման 4-րդ տարին, սակայն ռազմական բյուջեն դեռ չի հատել անգամ 800 միլիոն դոլարի շեմը, չի հասել նույնիսկ 1 միլիարդ դոլարի, և դժվար է պատկերացնել, թե ինչպես մեկ տարվա մեջ իշխանությունները ռազմական բյուջեն կավելացնեն 1.5 միլիարդ դոլարով, դա գրեթե անհնար է:
Ստացվում է, որ 2022 թվականի բյուջեի նախագծով ՔՊ-ն ակամայից ընդունում է, որ 2018-ին տված ևս մեկ նախընտրական խոստում գրվում է սառույցին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
