Միսսուրիում տորնադոն մի քանի շինություն է ավերել (տեսանյութ)

ԱՄՆ-ի Միսսուրի նահանգում տորնադոն, ավելի քան 90 կմ/ժ արագությամբ պտտվող փոթորիկները և կարկուտը հանգեցրել են շենքերի ավերածությունների: Այս մասին հայտնում է Fox News-ը։ Կանզաս Սիթիից հյուսիս-արևելք գտնվող Պարդին քաղաքում ականատեսների վկայությամբ՝ տարերքը ավերել է մի քանի մեկհարկանի շենքեր։ Վնասվել է նաև գյուղատնտեսական տեխնիկա։ Զոհերի և վիրավորների մասին տեղեկություններ չեն հաղորդվում։

Միսսուրի և Իլինոյս նահանգներում տորնադոների վտանգը շարունակվում է։ Վտանգված տարածքների բնակիչներին խորհուրդ է տրվում չհեռանալ ապաստանից: